அந்நிய மண்ணில் எனது நாட்டின் பிரதமரை விமர்சிக்க மாட்டேன் என கனடாவின் பிரதான எதிர்க்கட்சித் தலைவரான Pierre Poilievre தெரிவித்தார்.
கனடாவுக்கு அமெரிக்காவுக்கும் இடையிலான வர்த்தகப் போர் தீவிரமடைந்துள்ள நிலையில் இரு நாடுகளுக்கும் இடையேயான வர்த்தக உறவை மேம்படுத்துவதற்காக Pierre Poilievre அமெரிக்கா சென்றுள்ளார்.
கனடாவிற்குள் பிரதமர் Mark Carney-யின் பொருளாதாரக் கொள்கைகளை தீவிரமாக விமர்சித்து வரும் Pierre Poilievre, அமெரிக்க மண்ணில் அதற்கு நேர்மாறான அணுகுமுறையைக் கையாண்டுள்ளார்.
பிரபல அமெரிக்க பொருளாதார ஊடகமான CNBC செய்தி ஊடகத்துக்கு அளித்த பேட்டியில் கனடிய பிரதமரை விமர்சிக்க மாட்டேன் என Pierre Poilievre தெரிவித்துள்ளார்.
தனது பிரத்யேக பேட்டியில் இரு நாடுகளின் பொருளாதாரத்தையும் வலுப்படுத்தும், இரு தரப்புக்கும் பரஸ்பர நன்மைகளைத் தரும் ஒரு புதிய வர்த்தக உறவின் அவசியத்தை Pierre Poilievre வலியுறுத்தினார்.
ஆளும் Liberal அரசின் மீது தமக்கு உள்நாட்டில் பல கருத்து வேறுபாடுகள் இருந்தாலும், அதை ஒரு சர்வதேச மேடையில் வெளிப்படுத்தப் போவதில்லை எனவும் அவர் தெளிவாகக் கூறினார்.
