கனடிய பொருளாதாரத்தில் பின்னடைவு பதிவானது.
August மாதத்தில் 42,000 வேலை வாய்ப்புகள் இழக்கப்பட்டுள்ளது.
இது பொருளாதார வல்லுநர்களின் எதிர்பார்ப்புகளுக்கு மாறாக அமைந்தது.
கனடிய புள்ளிவிபரத் திணைக்களம் August மாத வேலை வாய்ப்பு விபரங்களை வெள்ளிக்கிழமை (04) வெளியிட்டது.
இந்த புதிய தொழிலாளர் சந்தை அறிக்கையின்படி, வேலையற்றோர் விகிதத்தில் மாற்றம் எதுவும் இல்லை என தெரிவிக்கப்படுகிறது.
கடந்த மாதத்தில் நாட்டின் பொருளாதாரம் 42,000 வேலைவாய்ப்புகளை இழந்துள்ளதாக அந்த அறிக்கை குறிப்பிடுகிறது.
நாட்டின் பல்வேறு முக்கியத் துறைகளில் ஏற்பட்ட மந்தநிலை காரணமாக இந்த வேலைவாய்ப்பு இழப்பு ஏற்பட்டுள்ளது.
கனடா, அமெரிக்கா இடையே நிலவி வரும் கடுமையான வர்த்தகப் போர் நாட்டின் உற்பத்தி, வணிக துறைகளில் ஏற்படுத்தியுள்ள தாக்கமே இந்த திடீர் வேலை இழப்புகளுக்கு முக்கியக் காரணமாக பார்க்கப்படுகிறது.
மாகாண ரீதியில் Quebec மிகக் கடுமையாகப் பாதிக்கப்பட்டு, 19,000 வேலைகளை இழந்தது.
அதைத் தொடர்ந்து Ontario-வில் 18,000 வேலைகள் இழக்கப்பட்டன.
எனினும், நாட்டின் August மாத ஒட்டுமொத்த வேலையற்றோர் விகிதம் அதிகரிக்காமல் July மாத அளவிலேயே நிலையாக நீடிப்பதாக தெரிவிக்கப்பட்டுள்ளது.
அதிக எண்ணிக்கையிலான வேலைகள் பறிபோயிருந்தாலும், புதிய தொழிலாளர்களின் சந்தை வரத்து, பிற காரணிகளால் வேலையற்றோர் விகிதத்தில் பெரிய மாற்றம் ஏதுமின்றி நிலையாக உள்ளது.
இந்த வேலைவாய்ப்பு சரிவு, மாகாண, மத்திய அரசுகளுக்கு பொருளாதார ரீதியாக புதிய சவால்களை ஏற்படுத்தியுள்ளது.
இந்த நிலையில் வரும் மாதங்களில் வேலைவாய்ப்புகளை மீண்டும் உருவாக்கவும், பொருளாதாரத்தை ஊக்குவிக்கவும் புதிய திட்டங்கள் தேவை என நிபுணர்கள் கருத்து தெரிவித்துள்ளனர்.
