அமெரிக்கா மீதான பதில் வரிப் பட்டியலில் புதிதாக இணைக்கப்பட்ட பொருட்களை கனடா அறிவித்துள்ளது.
கடல் உணவுகள் மீதான தனது பதில் வரி விதிப்புகளை நீக்கிவிட்டு, அதற்குப் பதிலாக அமெரிக்காவின் பல்வேறு பிற பொருட்கள் மீது 50 சதவீத வரிகளை கனடிய அரசு விதிக்கவுள்ளது.
நிதி அமைச்சர் François-Philippe Champagne அலுவலகம் இந்த அறிவித்தலை வியாழக்கிழமை வெளியிட்டது.
கனடாவின் பல்வேறு துறைகளை வலுப்படுத்துவதற்கும், அமெரிக்காவின் சுங்க வரிகளுக்கு ஈடாக பதிலடி கொடுப்பதற்கு ஏற்ற வகையில் இந்த முடிவு எடுக்கப்பட்டதாக நிதி அமைச்சர் அலுவலகம் தெரிவித்தது.
பதில் வரி விதிப்புக்கான வழிமுறைகள் குறித்து, அரசாங்கம் பங்குதாரர்கள், மாகாணங்களுடன் கலந்தாலோசித்து வருவதாகவும் அந்த அறிக்கை மேலும் கூறியது.
கனடிய அரசாங்கம் அமெரிக்காவிலிருந்து இறக்குமதி செய்யப்படும் நூற்றுக்கணக்கான பொருட்கள் மீது 15 முதல் 50 சதவீதம் வரையிலான சுங்க வரிகளை விதிக்க திட்டமிட்டு அது குறித்த அறிவித்தலை செவ்வாய்க்கிழமை (25) வெளியிட்டது இங்கு குறிப்பிடத்தக்கது.
