Conservative கட்சியினரிடையே Mark Carney-க்கு ‘வெளிப்படையான போட்டியாளர் எவரும் இல்லை’ என புதிய கருத்துக் கணிப்பொன்று தெரிவிக்கிறது.
கனடாவில் உள்ள Conservative கட்சி அரசியல்வாதிகளிடையே பிரதமர் Mark Carney-க்கு “வெளிப்படையான போட்டியாளர் எவரும் இல்லை என அந்தக் கருத்து கணிப்பு தெரிவிக்கிறது.
July 28 முதல் 30 வரை தொலைபேசி, இணையம் வாயிலாக கனடியர்களிடம் நடத்தப்பட்ட இந்தக் கருத்துக் கணிப்பு, Conservative கட்சி அரசியல்வாதிகள் சிலரின் பட்டியலை முன்வைத்து, அவர்களில் யார் அக் கட்சியின் தலைவராக இருந்தால் Mark Carney-யைத் தோற்கடிக்க வாய்ப்புள்ளது என வினவியது.
இந்தக் கருத்துக் கணிப்பின்படி, 16 சதவீதத்தினர் Mark Carney-யை தோற்கடிக்க கூடியவர் முன்னாள் பிரதமர் Stephen Harper என குறிப்பிட்டனர்.
அதேவேளையில், தற்போதைய அதிகாரப்பூர்வ எதிர்க்கட்சித் தலைவர் Pierre Poilievre 15 சதவீத ஆதரவை, Ontario மாகாண முதல்வர் Doug Ford 11 சதவீத ஆதரவை இதில் பெற்றனர்.
ஆனால், கருத்துக்கணிப்பில் பங்கேற்ற கனடியர்களில் 33 சதவீதம் பேர், Mark Carney-யை இவர்கள் எவராலும் தோற்கடிக்க முடியாது என கூறினர்.
Peter MacKay, Rona Ambrose, Danielle Smith, Jean Charest, Lisa Raitt உள்ளிட்ட பிற குறிப்பிடத்தக்க Conservative கட்சித் தலைவர்கள் ஒவ்வொருவரும் தலா 10 சதவீதத்திற்கும் குறைவான ஆதரவை பெற்றனர்.
அதேவேளையில், Jason Kenney, Mark Mulroney, Erin O’Toole, Andrew Scheer, Leslyn Lewis, Tim Houston, Jamil Jivani, Caroline Elliott ஆகியோர் தலா ஐந்து சதவீதம் அல்லது அதற்கும் குறைவான ஆதரவையே பெற்றனர்.
Nanos Research இந்தக் கருத்து கணிப்பை முன்னெடுத்திருந்தது.
