Gordie Howe சர்வதேசப் பாலம் திங்கட்கிழமை (27) அதிகாரப்பூர்வமாக வாகனப் போக்குவரத்திற்காக திறக்கப்பட்டுள்ளது.
இத்திட்டத்தின் நிதிசார் அம்சங்கள் குறித்த பல மாத கால சர்ச்சைகளுக்கு பின்னர் பாலம் திறக்கப்பட்டது.
பாதசாரிகளுக்கான பாதை August 5-ஆம் திகதி திறக்கப்படும் என எதிர்பார்க்கப்படுகிறது.
திங்களன்று அதிகாரப்பூர்வமாக போக்குவரத்துக்குத் திறக்கப்படுவதற்கு முன்பாகவே இந்த சர்வதேசப் பாலத்தைக் கடந்து சென்ற முதல் நபர்களாக Gordie Howe குடும்பத்தினர் இருந்தனர்.
Mr. Hockey என அழைக்கப்படும் விளையாட்டு வீரரின் பேரனான Gordie Howe அவரது மனைவியுடன், பொதுமக்கள் பாலத்தில் அனுமதிக்கப்படுவதற்கு ஏறக்குறைய இரண்டு மணி நேரத்திற்கு முன்னதாக, காலை 9:45 மணியளவில் அந்தப் பாலத்தைக் கடக்கும் சடங்கு நிகழ்வை மேற்கொண்டனர்.
இந்தப் பாலம் தொடர்பாகப் பெரும் பரபரப்பு நிலவிய நிலையில், அது இப்போது திறக்கப்படுவது குறித்து மகிழ்ச்சி கொள்வதாக Gordie Howe கூறினார்.
பல கனடியப் பொருட்கள் மீதான 50 சதவீத வரிகளை 30 நாட்களுக்குள் விதிக்க திட்டமிட்டுள்ளதாக Donald Trump அறிவித்துள்ள நிலையில், இந்த பாலத்தின் திறப்பு விழா குறித்து பெரும் குழப்பம் நிலைத்தது.
அந்தப் பாலத்தை திறக்க அனுமதிப்பதற்கு முன்னதாக அமெரிக்காவிற்கு இழப்பீடு வழங்கப்பட வேண்டும் என கடந்த February மாதத்தில் அமெரிக்க ஜனாதிபதி Donald Trump வலியுறுத்தி இருந்தார்.
