கைது நடவடிக்கையின் போது Toronto காவல்துறை அதிகாரி ஒருவர் காயமடைந்தார்.
சனிக்கிழமை (04) காலை ஒருவரைக் கைது செய்யும் நடவடிக்கையின்போது காவல்துறை அதிகாரி ஒருவர் பலத்த காயமடைந்தார்.
Avenue Road and Wilson Avenue பகுதியில் காலை இந்த சம்பவம் நிகழ்ந்தது.
சந்தேகத்திற்கிடமான சம்பவம் ஒன்று குறித்து காவல்துறையினர் அங்கு அழைக்கப்பட்டனர்.
அதிகாரிகள் சம்பவ இடத்தை சென்றடைந்தபோது, இரண்டு வாகனங்கள் அங்கிருந்து தப்பிச் சென்றதாகவும், சந்தேக நபர் ஒருவர் ஓடித் தப்பியதாகவும் காவல்துறை குற்றம் சாட்டுகிறது.
ஓடித் தப்ப முயன்ற சந்தேகத்திற்குரிய நபரை காவல்துறையினர் கைது செய்தனர்.
இவர் மீதான குற்றச்சாட்டுகள் குறித்த விபரங்களை காவல்துறை வெளியிடவில்லை.
இந்த கைது நடவடிக்கையின் போது பெயர் வெளியிடப்படாத ஒரு காவல்துறை அதிகாரி காயமடைந்ததாக காவல்துறையினர் தெரிவித்தனர்.
அவர்கள் கடுமையான, ஆனால் உயிருக்கு ஆபத்தை ஏற்படுத்தாத காயங்களுக்கு ஆளாகி, மருத்துவமனைக்கு கொண்டு செல்லப்பட்டனர்.
அவரது காயங்கள் குறித்த விபரங்கள் வெளியாகவில்லை.
