தெற்கு Ontario-வின் பரந்த பகுதிக்கு சுற்றுச்சூழல் கனடா orange எச்சரிக்கையை விடுத்துள்ளது.
வெப்பநிலை 37°C வரை உயரக்கூடும் என கணிக்கப்பட்டுள்ள நிலையில் இந்த எச்சரிக்கை விடுக்கப்பட்டுள்ளது.
திங்கட்கிழமை (29) பிற்பகல் இந்த எச்சரிக்கையை வெளியிடப்பட்டது.
இந்த எச்சரிக்கை Windsor முதல் Belleville வரை பரவியுள்ள பகுதிகளை உள்ளடக்கியது.
செவ்வாய்க்கிழமை (30) ஆரம்பமாகி வார இறுதி வரை இந்த “நீண்ட கால வெப்ப நிகழ்வு” நீடிக்கும் என சுற்றுச்சூழல் கனடா தெரிவித்துள்ளது.
இந்த கால கட்டத்தில் அதிகபட்ச வெப்பநிலை 31°C முதல் 34°C வரை இருக்கும் எனவும், சில பகுதிகளில் அது 37°C வரை கூட அதிகரிக்கக்கூடும் எனவும் அதில் குறிப்பிடப்பட்டுள்ளது.
புதன் (01), வியாழக்கிழமைகள் (02) மிக வெப்பமான நாட்களாக இருக்கும் எனவும், அதிகபட்ச வெப்பநிலை 34°C முதல் 37°C வரை இருக்கும் எனவும் எதிர்பார்க்கப்படுகிறது.
ஞாயிற்றுக்கிழமை (05) முதல் வெப்பம் சற்று குறைந்தாலும், பகல்நேர அதிகபட்ச வெப்பநிலை 28°C வரை இருக்கும் எனவும் எதிர்பார்க்கப்படுகிறது.
