Aurora நகர கொலை வழக்கில் 6 பேர் தடுப்புக்காவலில் வைக்கப்பட்டுள்ளனர்.
Aurora இல்லமொன்றில் கடுமையான காயங்களுடன் ஒருவர் புதன்கிழமை (10) உயிரிழந்ததை தொடர்ந்து, ஆறு பேர் காவலில் வைக்கப்பட்டனர்.
Wellington Street East and Walton Drive இல்லமொன்றிற்கு York பிராந்திய காவல்துறையினர் அழைக்கப்பட்டனர்.
சம்பவ இடத்தில் பலத்த காயங்களுடன் ஆண் ஒருவர் கண்டுபிடிக்கப்பட்ட நிலையில், அவர் சம்பவ இடத்திலேயே உயிரிழந்ததாக அறிவிக்கப்பட்டது.
இதில் பலியானவர் அடையாளம் காணப்படவில்லை.
இவரது மரணத்திற்கான காரணம் தெரியாத நிலையில், கொலை குறித்த விசாரணை தொடர்ந்து நடைபெற்று வருவதாக காவல்துறை தெரிவித்தது.
இதில் கைது செய்யப்பட்டு காவலில் உள்ள ஆறு பேர் மீது எந்தக் குற்றச்சாட்டும் இதுவரை பதிவு செய்யப்படவில்லை.
இவர்களில் ஐந்து பேர் சம்பவ இடத்திற்கு மிக அருகில் கைது செய்யப்பட்டதாக York பிராந்திய காவல்துறை ஊடகத் தொடர்பு அதிகாரி Const. James Dickson தெரிவித்தார்.
இந்த நேரத்தில் வேறு எந்த சந்தேக நபர்களையும் தேடவில்லை எனவும் காவல்துறை கூறியது.
இந்தச் சம்பவத்தின் பின்னணியில் உள்ள அனைத்து விவரங்களையும் ஆராய்ந்து வருவதாக கூறிய காவல்துறையினர் இது குறிப்பிட்ட குடியிருப்பில் மட்டும் நடந்த தனிப்பட்ட நிகழ்வாக தெரிகிறது என தெரிவித்தனர்.
