கனடாவை ‘போர் வெறியர்’ என ரஷ்யா விமர்சிக்கிறது.
உக்ரைனுடன் புதிய ஆயுத ஒப்பந்தம் செய்ததற்காக கனடாவை “போரைத் தூண்டும் நாடு என ரஷ்யா சாடியுள்ளது,
தவிரவும் இந்த ஒப்பந்தம் குறித்த பதிலடி கொடுக்கவுள்ளதாகவும் ரஷ்யா உறுதியளித்துள்ளது.
இந்த ஒப்பந்தத்தில் உக்ரேனிய நிறுவனமான Airlogix , கனடாவின் Hamilton, Ontario-வைத் தளமாகக் கொண்ட drone தயாரிப்பு நிறுவனமான Sentinel R&D ஆகியவை ஈடுபட்டுள்ளன.
இந்த நிறுவனத்தின் விபரங்களை வெளியிட உள்ளதாகவும் ரஷ்யா வெளியுறவு அமைச்சகத்தின் செய்தித் தொடர்பாளர் Maria Zakharova சூளுரைத்துள்ளார்.
இந்த ஒப்பந்தம், உக்ரைன் தனது முக்கிய இராணுவ தளபாடங்களை மூன்றாவது நாட்டில் மறைத்து வைக்க அனுமதிக்கிறது எனவும், கனடா ஒரு “போர் வெறியன்” போல நடந்து கொள்ளும்போது, அது தனது சமாதானத் தூதுவர் என்ற பெயருக்கு ஏற்ப செயல்படவில்லை எனவும் அவர் வாதிட்டார்.
இந்த ஒப்பந்தம், நடந்து வரும் மோதலில் இருந்து கனடா இலாபம் ஈட்ட முயல்கிறது என்பதைக் குறிக்கிறது என கனடாவுக்கான ரஷ்ய தூதர் கூறியுள்ளார்.
ரஷ்யா, உக்ரேன் இடையிலான யுத்தம் மேலும் நீண்ட ஆண்டுகளுக்கு நீடிப்பதை கனடா விரும்புவதாகவும் ரஷ்யா குற்றம்சாட்டியுள்ளது.
கனடா – உக்ரேனிய drone தயாரிப்பாளர்களுக்கு இடையேயான ஒரு பெருநிறுவனக் கூட்டாண்மையை கனடிய அரசாங்கம் இரண்டு வாரங்களுக்கு முன்னர் அறிவித்தது.
இதன் மூலம், கனடாவில் தயாரிக்கப்பட்ட drone உக்ரேனின் முன்னணிப் போர்க்களத்தில் நிலைநிறுத்தப்பட வாய்ப்புள்ளது.
இந்த நிலையில் ரஷ்யாவின் மிரட்டலுக்கு கனடா பின்வாங்காது என கனடிய பாதுகாப்பு அமைச்சர் David McGuinty கூறினார்.
கனடாவைப் பாதுகாப்பாக வைத்திருக்க இராணுவ அதிகாரிகள் பணியாற்றி வருவதாகவும், உக்ரைனுக்கு கனடா தொடர்ந்து ஆதரவளிக்கும் எனவும் அவர் கூறினார்.
