கடந்த வருடம் மன்னர் சார்லஸ் மேற்கொண்ட கனடிய பயணத்திற்கு, கனடிய வரி செலுத்துவோருக்குக் குறைந்தபட்சம் $2.6 மில்லியன் செலவானது.
கடந்த வருடம் May மாதம் மன்னர் சார்லஸ் கனடாவுக்கு 24 மணி நேர பயணத்தை மேற்கொண்டார்.
இந்த 24 மணி நேர பயணத்திற்கான செலவுகளில், விமானப்படையின் சம்பிரதாய வானூர்தி அணிவகுப்பிற்காக ஏறக்குறைய $870,000, காவல்துறைச் செலவுகளுக்காக சுமார் $860,000. வான், தரைவழிப் போக்குவரத்திற்காக ஏறத்தாழ $370,000 ஆகியவை அடங்கும்.
மன்னர் 2025 ஆம் ஆண்டு May 26,27 ஆகிய திகதிகளில் ராணி கமிலாவுடன் தலைநகர் Ottawa-விற்கு வருகை தந்தார்.
கனடாவின் இறையாண்மைக்கு ஆதரவு தெரிவிக்கும் விதமாக, நாடாளுமன்றத்தின் புதிய கூட்டத்தொடரை ஆரம்பித்து வைக்க மன்னர் சார்லஸ் அரியணை உரை ஆற்றினார்.
கனடாவின் மன்னராக அவர் மேற்கொண்ட முதலாவது பயணம் இதுவாகும்.
