Quebec NDP நாடாளுமன்ற உறுப்பினர் Alexandre Boulerice பதவி விலகவுள்ளார்.
எதிர்வரும் October மாதம் நடைபெறவுள்ள மாகாண சபைத் தேர்தலுக்கு முன்னதாக, மத்திய NDP கட்சியிலிருந்து விலகி, இடதுசாரி இறையாண்மைவாதக் கட்சியான Québec solidaire கட்சியில் இணையும் முடிவை Alexandre Boulerice அறிவித்துள்ளார்.
Rosemont-La Petite-Patrie மத்திய தொகுதியின் NDP பிரதிநிதியான Alexandre Boulerice, திங்கட்கிழமை (27) நடைபெற்ற செய்தியாளர் சந்திப்பில் இந்த முடிவை அதிகாரப்பூர்வமாக அறிவித்தார்.
Québec solidaire கட்சி சார்பில் போட்டியிடத் திட்டமிட்டுள்ள Montréal Gouin தொகுதியில் இந்த அதிகாரப்பூர்வ அறிவிப்பை அவர் வெளியிட்டார்.
உடனடியாக சுயேச்சை உறுப்பினராக பதவியேற்கும் அவர், மாகாணத் தேர்தல் பிரச்சாரம் அறிவிக்கப்படுவதற்கு முனைய நாள் முறைப்படி பதவி விலக உள்ளார்.
மத்திய NDP கட்சியின் புதிய தலைவரான Avi Lewis தெரிவான ஒரு மாதத்திற்கும் குறைவான காலத்தில் இந்த பதவி விலகல் செய்தி வெளியாகிறது.
இந்த பதவி விலகல் NDP கட்சிக்கு நாடாளுமன்றத்தில் ஐந்து ஆசனங்கள் மட்டுமே எஞ்சி இருக்கும் நிலையை தோற்றுவிக்கிறது.
தவிரவும் கட்சிக்கு Quebec மாகாணத்தில் நாடாளுமன்ற உறுப்பினர்கள் எவரும் இல்லாத நிலையையும் இது தோற்றுவிக்கிறது.
கடந்த சில மாதங்களில் NDP கட்சியில் இருந்து விலகும் இரண்டாவது நாடாளுமன்ற உறுப்பினர் Alexandre Boulerice ஆவார்.
Nunavut NDP நாடாளுமன்ற உறுப்பினர் Lori Idlout கடந்த March மாதம் Liberal அரசில் இணைவதற்காக கட்சி மாறியதை தொடர்ந்து இந்த பதவி விலகல் அறிவித்தல் வெளியாகிறது
Alexandre Boulerice-ரை கட்சியில் நீடிக்குமாறு புதிய NDP தலைவர் Avi Lewis அண்மைய வாரங்களில் பலமுறை பகிரங்கமாக கோரி வந்தது இங்கு குறிப்பிடத்தக்கது.
