Ontario மாகாண முதல்வர் Doug Ford, Liberal மாகாணசபை உறுப்பினரிடம் மன்னிப்பு கோரியுள்ளார்.
சட்டமன்றத்தில் முதல்வர் Doug Ford, Liberal மாகாணசபை உறுப்பினர் Stephanie Smyth மீது தனிப்பட்ட அவதூறுகளை கருத்துக்களை முன்வைத்தார்.
இந்தக் கருத்துக்காக முதல்வர் தன்னை தொடர்புகொண்டு மன்னிப்பு கோரியதாக Stephanie Smyth ஒரு அறிக்கையில் தெரிவித்தார்.
முதல்வரின் மன்னிப்பை தான் ஏற்றுக்கொண்டுள்ளதாக Toronto-St. Paul தொகுதியை பிரதிநிதித்துவப்படுத்தும் Stephanie Smyth கூறினார்.
Ontario மாகாணத்தில் தகவல் அறியும் உரிமைச் சட்டங்களில் கொண்டுவரப்பட்ட சர்ச்சைக்குரிய மாற்றங்களை, Doug Ford அரசாங்கம் கடந்த வாரம் நிறைவேற்றியது.
இதில் மாகாண முதல்வரும் அவரது அமைச்சர்களும் தங்களது அலுவலக பதிவுகள் அனைத்தையும் இரகசியமாக வைத்திருக்க அனுமதிக்கும் பல நடவடிக்கைகள் அடங்கியுள்ளன.
இந்தச் சட்டம் குறித்த விவாதத்தின்போது, மாகாணசபை உறுப்பினர் Stephanie Smyth மீது தனிப்பட்ட அவதூறுகளை கருத்துக்களை Doug Ford முன்வைத்திருந்தார்.
பத்திரிகையாளராக Stephanie Smyth கொண்டிருந்த பதவிக்காலத்தை அவமதித்து பதிலளித்த Doug Ford, அந்தக் கருத்துகளுக்கு எதிராக கடும் எதிர்ப்பும் மன்னிப்பு கோரிக்கைகளும் எழுந்தபோது, தனது நிலைப்பாட்டை மேலும் வலியுறுத்தினார்.
ஆனாலும் தொடர் அழுத்தங்களை தொடர்ந்து முதல்வர் Doug Ford தனது கருத்துக்களுக்காக மன்னிப்பு கோரியுள்ளார்.
