NDP நாடாளுமன்ற உறுப்பினர் Liberal கட்சிக்கு மாறுகிறார்.
Nunavut தொகுதி NDP நாடாளுமன்ற உறுப்பினர் Lori Idlout கட்சி மாறும் முடிவை எடுத்துள்ளார்.
இதனை NDP இடைக்காலத் தலைவர் Don Davies ஒரு அறிக்கையில் உறுதிப்படுத்தினார்.
Lori Idlout கட்சியிலிருந்து விலகியதாக Don Davies செவ்வாய்க்கிழமை (10) இரவு அறிவித்தார்.
Liberal கட்சியில் இணையும் அவரது முடிவு குறித்து “மிகவும் ஏமாற்றமடைந்ததாக” Don Davies கூறினார்.
இந்த கட்சி மாற்ற முடிவின் மூலம் பிரதமர் Mark Carney அரசாங்கம் பெரும்பான்மைக்கு இரண்டு ஆசனங்கள் குறைவான நிலையில் உள்ளது.
கட்சி மாறுவது குறித்த புதிய ஜனநாயகக் கட்சியின் நிலைப்பாடு நீண்ட காலமாக தெளிவாக உள்ளது என கூறிய Don Davies, “யாராவது தங்கள் வாக்காளர்களின் முடிவை நிராகரித்து வேறு கட்சியில் இணைய விரும்பினால், அவர்கள் அந்த முடிவை தங்கள் வாக்காளர்களிடம் தெரிவிக்க வேண்டும் என நாங்கள் நம்புகிறோம்” எனவும் தெரிவித்தார்
Lori Idlout எடுத்துள்ள இந்த முடிவு குறித்து Liberal கட்சியோ அல்லது பிரதமர் அலுவலகமோ எந்தக் கருத்தையும் உடனடியாக தெரிவிக்கவில்லை.
ஆனாலும் Liberal கட்சியில் Lori Idlout இணைந்த செய்தி குறித்து பல Libera நாடாளுமன்ற உறுப்பினர்கள் தங்கள் எதிர்வினையை பகிர்ந்து வருகின்றனர்.
நீதி அமைச்சர் Sean Fraser, Vancouver Granville நாடாளுமன்ற உறுப்பினர் Taleeb Noormohamed, London மேற்கு நாடாளுமன்ற உறுப்பினர் Arielle Kayabaga ஆகியோர் இந்த முடிவை வரவேற்றுள்ளனர்.
இந்த மாற்றத்தின் மூலம் Liberal அரசாங்கம் நாடாளுமன்றத்தில் 170 ஆசனங்களை கொண்டுள்ளனர்,
இது பெரும்பான்மை அரசாங்கத்திற்கு அவர்களுக்கு இரண்டு ஆசனங்கள் குறைவானதாகும்.
இந்த மாற்றம் புதிய ஜனநாயகக் கட்சியின் ஆசன எண்ணிக்கையை ஆறு இடங்களுக்கு குறைத்துள்ளது.
புதிய NDP தலைமைக்கான வக்களிப்பு ஆரம்பித்த ஒரு நாளில் இந்த கட்சி மாற்றம் அறிவிக்கப்பட்டுள்ளது.
புதிய NDP தலைவர் இந்த மாத இறுதியில் அறிவிக்கப்படவுளார் என்பது குறிப்பிடத்தக்கது.
Liberal அரசாங்கத்தில் கடந்த சில மாதங்களில் இணைந்த நான்காவது நாடாளுமன்ற உறுப்பினர் Lori Idlout ஆவார்.
Chris d’Entremont, Michael Ma, Matt Jeneroux ஆகியோர் Conservative கட்சியில் இருந்து விலகி அண்மையில் Mark Carney தலைமையிலான Liberal அரசாங்கத்தில் இணைந்தனர்.
வெற்றிடமாக உள்ள மூன்று தொகுதிகளுக்கான இடைத்தேர்தலை பிரதமர் அறிவித்த சில தினங்களில் இந்தக் கட்சி மாற்றம் அறிவிக்கப்பட்டது.
Scarborough Southwest, Terrebonne, University-Rosedale ஆகிய தொகுதிகளுக்கான இடைத்தேர்தல் ஞாயிற்றுக்கிழமை (08) அறிவிக்கப்பட்டது.
April 13 நடைபெறும் அந்த இடைத் தேர்தல்களில் இரண்டு தொகுதிகளில் Liberal வேட்பாளர்கள் வெற்றி பெற்றால், அது அவர்களுக்கு 172 ஆசனங்களை சபையில் வழங்கும் என்பதும் இது பெரும்பான்மை அரசாங்கத்துக்கு போதுமானது என்பதும் இங்கு குறிப்பிடத்தக்கது.
