கிழக்கு Ontario பிராந்தியத்தில் Influenza A தொடர்பான 3 குழந்தை மரணங்கள் பதிவாகியுள்ளன.
Ottawa பகுதியில் இந்த மாதம் காய்ச்சல் தொடர்பான 3 குழந்தை மரணங்களை சுகாதார பிரிவு திங்கட்கிழமை (15) அறிவித்தது.
அங்கு Influenza A தொடர்பான குறிப்பிடத்தக்க அதிகரிப்பு குறித்து அதிகாரிகள் எச்சரித்துள்ளனர்.
December முதல் இரண்டு வாரங்களில் ஐந்து முதல் ஒன்பது வயதுக்குட்பட்ட மூன்று குழந்தைகள் கிழக்கு Ontario பிராந்தியத்தில் மரணமடைந்ததாக தெரிவிக்கப்படுகிறது.
ஆறு மாதங்கள் அதற்கு மேற்பட்ட வயதுடைய அனைவரும் முடிந்தவரை விரைவில் காய்ச்சல் தடுப்பூசியைப் பெற சுகாதார மருத்துவ அதிகாரிகள் பரிந்துரைக்கின்றனர்.
December 6 ஆம் திகதியுடன் முடிவடைந்த வாரத்தில் கனடா முழுவதும் Influenza சதவீத நேர்மறை விகிதம் 20.2 சதவீதமாக இருந்ததாக கனடாவின் பொது சுகாதார நிறுவனம் கடந்த வாரம் தெரிவித்துள்ளது.
இந்த எண்ணிக்கை இரண்டு வாரங்களுக்கு முன்னர் 8.3 சதவீதமாக இருந்தது குறிப்பிடத்தக்கது.
LJI Reporter ரம்யா சேது
