Ontario அரசாங்கம் March இறுதிவரை விடுமுறை எடுக்க திட்டமிட்டுள்ளது.
குளிர்கால விடுமுறைக்காக Ontario அரசாங்கம் மூன்று மாதங்களுக்கும் மேலாக விடுமுறை எடுக்க திட்டமிட்டுள்ளது என அரசாங்க அவைத் தலைவர் Steve Clark செய்தியாளர்களிடம் தெரிவித்தார்.
ஒரு சில வாரங்கள் மட்டுமே நடைபெற்ற இந்த சபை அமர்வு வியாழக்கிழமை (11) முடிவுக்கு வந்த நிலையில், March 23 வரை விடுமுறை எடுக்க அரசாங்கம் திட்டமிட்டுள்ளது என அவர் கூறினார்.
137 நாள் இடைவெளியின் பின்னர் October 20-ஆம் திகதி அன்று அரசாங்கம் சட்டமன்றத்திற்கு திரும்பியது.
இந்த நிலையில் மொத்தத்தில் இந்த ஆண்டு சுமார் 13 வாரங்களில் அரசாங்கம் 51 நாட்கள் சபை அமர்வுகளில் கலந்து கொண்டது.
ஆனாலும் அரசாங்கம் மிகவும் பயனுள்ள அமர்வை நடத்தியுள்ளதாக கூறிய Steve Clark, மாகாணசபை உறுப்பினர்கள் தங்கள் சமூகங்களுடன் கலந்தாலோசிக்க நேரம் ஒதுக்க வேண்டும் எனத் தெரிவித்தார்.
அடுத்த ஆண்டு வரவு செலவுத் திட்டத்திற்கு தயாராகும் அரசாங்கம், சமூகங்களுடன் கலந்தாலோசிக்க வேண்டிய அவசியத்தையும் அவர் வலியுறுத்தினார்.
இந்த நீண்ட இடைவேளைக்கு எதிர்க்கட்சிகள் அரசாங்கத்தை கடுமையாக விமர்சித்தன.
மத்திய அரசாங்கமும் இந்த வாரம் விடுமுறை எடுக்கவுள்ளது.
ஆனால் நாடாளுமன்ற உறுப்பினர்கள் January மாத இறுதியில் நாடாளுமன்ற அமர்வுகளுக்கு திரும்புவார்கள் என எதிர்பார்க்கப்படுகிறது.
LJI Reporter ரம்யா சேது
