கனடிய மத்திய வங்கியின் வட்டி விகிதத்தில் எந்த மாற்றமும் மேற்கொள்ளப்படவில்லை.
மத்திய வங்கி இந்த ஆண்டுக்கான தனது இறுதி வட்டி விகித முடிவை புதன்கிழமை (10) அறிவித்தது.
இதில் வட்டி விகிதத்தில் எந்த மாற்றமும் மேற்கொள்வதில்லை என்ற முடிவை மத்திய வங்கி ஆளுநர் Tiff Macklem அறிவித்தார்.
இந்த நிலையில் மத்திய வங்கியின் வட்டி விகிதம் 2.25 சதவீதமாக உள்ளது.
மத்திய வங்கி இந்த வாரம் மீண்டும் வட்டி விகிதங்களை குறைக்காது என முன்னரே எதிர்வு கூறப்பட்டது.
இந்த ஆண்டு மத்திய வங்கி நான்கு வட்டி விகிதக் குறைப்புகளை ஏற்கனவே அறிவித்தது.
September, October மாதங்களில் வட்டி விகிதங்களை குறைக்கும் முடிவை மத்திய வங்கி அறிவித்தது.
இதற்கு முன்னர், அமெரிக்காவுடனான வர்த்தகப் போர் காரணமான நிச்சயமற்ற தன்மைக்கு மத்தியில், மத்திய வங்கி அதன் முக்கிய வட்டி விகிதத்தை மூன்று தொடர்ச்சியான தடவைகளுக்கு 2.75 சதவீதமாக வைத்திருந்தது.
மத்திய வங்கி வருடத்திற்கு எட்டு முறை கூடி பணவியல் கொள்கை குறித்து விவாதிப்பதுடன், முக்கிய வட்டி விகித அறிவித்தலையும் வெளியிடுவது குறிப்பிடத்தக்கது.
LJI Reporter ரம்யா சேது
