Ottawa நகர மையத்தை பல வாரங்களாக முற்றுகையிட்ட போராட்டத்தில் பங்கு வகித்ததற்காக இருவருக்கு 18 மாத நிபந்தனை சிறைத்தண்டனை விதிக்கப்பட்டது.
Freedom Convoy தலைவர்கள் Tamara Lich, Chris Barber ஆகியோருக்கு செவ்வாய்க்கிழமை (07) இந்தத் தண்டனை விதிக்கப்பட்டது.
இவர்கள் இருவரும் குற்றவாளிகள் என கடந்த April மாதம் தீர்ப்பளிக்கப்பட்டது.
இந்த நிலையில் இவர்களுக்கான தண்டனையை செவ்வாயன்று நீதிபதி Heather Perkins-McVey விதித்தார்.
Chris Barber 12 மாதங்கள் வீட்டுக் காவலும், கடுமையான ஊரடங்கு உத்தரவின் கீழ் மேலும் ஆறு மாதங்களும் தண்டனை பெற்றார்.
Tamara Lich 12 மாதங்கள் வீட்டுக் காவலும், 3.5 மாதங்கள் ஊரடங்கு உத்தரவின் கீழும் சிறை தண்டனை பெற்றார்.
மூன்று வார Freedom Convoy போராட்டத்திற்கு சுமார் $7 மில்லியன் செலவாகியதாக Ottawa நகரம் மதிப்பிட்டுள்ளது.
மேலும் Ottawa காவல்துறைக்கு மேலதிகமாக $55 மில்லியன் செலவானதாக தெரிவிக்கப்பட்டது.
