November 19, 2026
தேசியம்
செய்திகள்

கனடிய பிரதமர் – அமெரிக்க ஜனாதிபதி அடுத்த வாரம் சந்திப்பு!

கனடிய பிரதமர் Mark Carney அடுத்த வாரம் அமெரிக்க ஜனாதிபதியை சந்திக்கவுள்ளார்.

Mark Carney திங்கட்கிழமை (06) அமெரிக்கா பயணிக்கின்றார்.

இந்தப் பயணத்தின் போது Mark Carney, அமெரிக்க ஜனாதிபதி Donald Trump-பை செவ்வாய்க்கிழமை (07) சந்திக்கவுள்ளார்.

பிரதமர் அலுவலகம் இந்த சந்திப்பை உறுதிப்படுத்தியது.

பிரதமரின் இந்தப் பயணம் கனடாவிற்கும் அமெரிக்காவிற்கும் இடையிலான புதிய பொருளாதார, பாதுகாப்பு உறவில் முன்னுரிமைகள் குறித்து கவனம் செலுத்தும் என பிரதமர் அலுவலகம் தெரிவித்துள்ளது.

பிரதமரான பின்னர் Mark Carney அமெரிக்க ஜனாதிபதியை சந்திப்பது இது இரண்டாவது தடவையாகும்.

October 14-ஆம் திகதி முதல் நடைமுறைக்கு வரும், softwood lumber இறக்குமதிகளுக்கு 10 சதவீத வரியையும், அலுமாரிகள், தளபாடங்கள் மீது 25 சதவீத வரியையும் இந்த வார ஆரம்பத்தில் Donald Trump விதித்தார்.

Donald Trump தொடர்ந்து கனடிய வணிகங்களைப் பாதிக்கும் புதிய வரிகளை விதித்து வரும் நிலையில், தகுந்த நடவடிக்கைகளை முன்னெடுக்க வேண்டும் என எதிர்க்கட்சிகளிடமிருந்தும் Mark Carney அழுத்தத்தை எதிர்கொண்டுள்ளார்.

கனடா-அமெரிக்கா-Mexico ஒப்பந்தத்தின் மறு ஆய்வு நடைபெற்று வரும் நிலையிலும், Tariffs குறித்து கனடிய அமெரிக்க அதிகாரிகள் ஒரு உடன்பாட்டை எட்ட முயற்சிக்கும் நிலையிலும் இந்தப் பயணம் அமைகிறது.

வெளியுறவு அமைச்சர் அனிதா ஆனந்த், தொழில்துறை அமைச்சர் Melanie Joly, கனடா-அமெரிக்க வர்த்தக அமைச்சர் Dominic LeBlanc ஆகியோரும் இந்த பயணத்தில் Mark Carney-யுடன் இணைகின்றனர்.

Related posts

Carolyn Parrish vs Dipika Damerla: Mississauga நகரின் அடுத்த முதல்வர் யார்?

Lankathas Pathmanathan

தொற்றின் மூன்றாவது அலையை Quebec மாகாணம் எதிர்கொள்கின்றது: சுகாதார அமைச்சர்

Gaya Raja

அமெரிக்க இறக்குமதிகள் மீதான கனடாவின் பெரும்பாலான வரிகள் முடிவுக்கு வந்தன!

Lankathas Pathmanathan

Leave a Comment