கனடிய பிரதமர் Mark Carney, Mexico ஜனாதிபதி Claudia Sheinbaum-யுடன் வியாழக்கிழமை ஒரு முக்கிய சந்திப்பை மேற்கொள்கிறார் .
வட அமெரிக்க வர்த்தக ஒப்பந்தத்தை மறு ஆய்வு செய்வதற்கான செயல்முறையை அமெரிக்கா அதிகாரப்பூர்வமாக ஆரம்பித்துள்ள நிலையில் இந்த சந்திப்பு நடைபெறுகிறது.
வியாழக்கிழமை (18 ) Mexico-வுக்கு பயணம் மேற்கொண்ட Mark Carney இரண்டு நாட்கள் சந்திப்புகளை மேற்கொள்கிறார்.
இதில் Mexico ஜனாதிபதியுடனான சந்திப்பும் அடங்குகின்றது.
இந்த பயணத்தின் போது, கனடிய பிரதமர், Mexico ஜனாதிபதியுடன் ஒரு மூலோபாய கூட்டு ஒப்பந்தத்தில் கையெழுத்திடுவார் என எதிர்பார்க்கப்படுகிறது.
இந்த ஒப்பந்தம் உள்கட்டமைப்பு, வர்த்தகம், சுகாதாரம், விவசாயம், அவசரகால தயார்நிலை, பாதுகாப்பு ஆகியவற்றை உள்ளடக்கும் என மூத்த கனடிய அரசு அதிகாரிகள் தெரிவிக்கின்றனர்.
Mexico கனடாவின் மூன்றாவது பெரிய வர்த்தக பங்காளியாகும்.
கடந்த ஆண்டு, இரு நாடுகளுக்கும் இடையிலான இறக்குமதி, ஏற்றுமதி $56 பில்லியனாகும்.
கடந்த மாதம், கனடிய நிதியமைச்சர் Francois-Philippe Champagne, வெளியுறவு அமைச்சர் அனிதா ஆனந்த் ஆகியோர் Mexico நகரில் சந்திப்புகளை முன்னெடுத்தனர் என்பது குறிப்பிடத்தக்கது.
