Toronto நகரசபை உறுப்பினர் இடைத்தேர்தலில் போட்டியிடுவதற்கான வேட்பு மனுவை ஐந்தாவது தமிழராக ராஜ் தவரட்ணசிங்கம் தாக்கல் செய்துள்ளார்.
Scarborough-Rouge Park தொகுதியின் நகரசபை உறுப்பினர் Jennifer McKelvie, கடந்த பொதுத் தேர்தலில் போட்டியிட்டு Ajax தொகுதியில் வெற்றி பெற்ற நிலையில் இந்த தொகுதி வெற்றிடமானது.
இங்கு Toronto நகர சபை உறுப்பினர் இடைத்தேர்தல் அறிவிக்கப்பட்டது.
இதில் August 11-ஆம் திகதிவரை நான்கு தமிழர்கள் உட்பட மொத்தம் 18 வேட்புமனுக்கள் செய்யப்பட்டன.
இந்த நிலையில் செவ்வாய்க்கிழமை (12) ஐந்தாவது தமிழராக ராஜ் தவரட்ணசிங்கம் தனது வேட்புமனுவை தாக்கல் செய்துள்ளார்.
இந்த இடைத் தேர்தலில் போட்டியிடும் வகையில் அனு ஸ்ரீஸ்கந்தராஜா, நீதன் சான், சியான் சின்னராஜா, அனிதா ஆனந்தராஜன் ஆகிய தமிழர்கள் ஏற்கனவே வேட்பு மனு தாக்கல் செய்தனர்.
இந்த இடைத் தேர்தலுக்கான வேட்புமனு எதிர்வரும் வெள்ளிக்கிழமை (15) வரை ஏற்றுக் கொள்ளப்படும்.
இடைத் தேர்தல் வாக்களிப்பு September 29-ஆம் திகதியும், முன்கூட்டிய வாக்களிப்பு September 20 , 21-ஆம் திகதிகளிலும் நடைபெறும் .
இந்த இடைத்தேர்தல் $550,000 செலவில் நடைபெறுகிறது என்பது குறிப்பிடத்தக்கது.
