கனடாவுக்கும் அமெரிக்காவுக்கும் இடையிலான வர்த்தக பேச்சுவார்த்தைகள் மெதுவாக நகர்வதாக கனடாவுக்கான அமெரிக்க தூதர் Pete Hoekstra தெரிவித்தார்.
ஆனாலும் இருதரப்பு பேச்சுவார்த்தைகளும் ஸ்தம்பிக்கவில்லை என அவர் கூறினார்.
இந்தப் பேச்சுவார்த்தைகள் ஒரு இணைக்க நிலையை அடைவதற்கு ‘சிறிது காலம் எடுக்கும்’ எனவும் அவர் தெரிவித்தார்.
கனடாவுடன் ஒரு இணக்கப்பாட்டை காண்பது முன்னுரிமையாக உள்ள போதிலும், சீனாவுடன் ஒரு ஒப்பந்தத்தைப் பெறுவதில் தற்போது அமெரிக்கா அதிக கவனம் செலுத்துகிறது என Pete Hoekstra குறிப்பிட்டார்.
கனடாவை அமெரிக்கா நியாயமற்ற முறையில் குறிவைத்து வரிகளை விதித்துள்ளது என்ற கருத்தை நிராகரித்த Pete Hoekstra, கனடிய பொருட்களுக்கான வரி விகிதம் குறைவாகவே உள்ளது என சுட்டிக்காட்டினார்.
கனடாவின் பதில் நடவடிக்கைகளையும் கனடாவுக்கான அமெரிக்க தூதர் விமர்சித்துள்ளார்.
