இந்த வார இறுதிக்குள் அமெரிக்காவுடன் ஒரு வர்த்தக ஒப்பந்தத்தை எட்டுவதற்கான சாத்தியக்கூறுகளை கனடாவின் பேச்சுவார்த்தையாளர்கள் குறைத்து மதிப்பிடுகின்றனர்.
கனடா-அமெரிக்க வர்த்தகத்திற்கு பொறுப்பான அமைச்சர் Dominic LeBlanc, அமெரிக்காவிற்கான கனடிய தூதர் Kirsten Hillman ஆகியோர் இந்தப் பேச்சுகளை கனடிய தரப்பில் முன்னெடுக்கின்றனர்.
“இரு தரப்பு பேச்சுக்களில் முன்னேற்றம் அடைந்துள்ளதை உறுதிப்படுத்திய அமைச்சர் Dominic LeBlanc, ஆனாலும் இந்தப் பேச்சுக்கள் ஒரு இணக்க நிலையை அடையவில்லை என செய்தியாளர்களிடம் கூறினார்.
August 1-ஆம் திகதி முதல் சில கனடிய ஏற்றுமதிகள் மீதான வரிகளை 35 சதவீதமாக அதிகரிக்க அமெரிக்க ஜனாதிபதி Donald Trump அச்சுறுத்தியுள்ளார்.
ஆனால் Donald Trump நிர்வாகத்துடனான ஒப்பந்தம் உடனடியாக ஏற்படாது என அமெரிக்காவுடனான கனடாவின் தலைமை பேச்சுவார்த்தையாளராக நியமிக்கப்பட்ட Kirsten Hillman தெரிவித்தார்.
பிரதமர் Mark Carney அரசாங்கம் அமெரிக்காவுடன் ஒரு ஒப்பந்தத்தில் கையெழுத்திட அவசர நிலையில் இல்லை என்பதற்கான சமீபத்திய சான்றாக இந்தக் கருத்துக்கள் அமைந்துள்ளன.
“ஒரு ஒப்பந்தத்தை எட்டுவது மாத்திரம் தனது நோக்கம் அல்ல” என Mark Carney அணமையில் தெரிவித்தது இங்கு குறிப்பிடத்தக்கது.
