Ontario மாகாணத்தின் பற்றாக்குறை $10 பில்லியனாக அதிகரிக்கிறது.
Ontario மாகாண வரவு செலவுத் திட்டம் வியாழக்கிழமை (15 ) சமர்பிக்கப்பட்டது.
$232.5 பில்லியன் வரவு செலவுத் திட்டத்தை நிதி அமைச்சர் Peter Bethlenfalvy தாக்கல் செய்தார்.
அமெரிக்காவின் வரிகளிலிருந்து பொருளாதாரத்தை பாதுகாக்கும் நோக்கில் இந்த வரவு செலவுத் திட்டம் சமர்ப்பிக்கப்பட்டது.
இதன் மூலம் மாகாணத்தின் பற்றாக்குறை $10 பில்லியனாக அதிகரிக்கிறது.
March மாதம் நடைபெற்ற தேர்தலில் Doug Ford அரசாங்கம் மீண்டும் வெற்றி பெற்ற பின்னர் முதல் முறையாகும் இந்த வரவு செலவுத் திட்டம் வியாழன்று சமர்பிக்கப்பட்டது.
புதிய செலவினம் 2025-26 ஆம் ஆண்டில் அரசாங்கம் $14.6 பில்லியன் பற்றாக்குறையை கணித்துள்ளது என்பதை குறிக்கிறது.
இது கடந்த ஆண்டு வரவு செலவுத் திட்டத்தில் கணிக்கப்பட்டதை விட $10 பில்லியன் அதிகமாகும்.
அதேவேளை சில மாதங்களுக்கு முன்னர் கணிக்கப்பட்ட பொருளாதார அறிக்கையை விட $13 பில்லியன் அதிகமாகும்.
இந்த வரவு செலவுத் திட்டம் மூலம் 2026-27 ஆம் ஆண்டில் $7.8 பில்லியன் பற்றாக்குறை எதிர்பார்க்கப்படுகிறது.
இது முன்னர் கணிக்கப்பட்ட $500 மில்லியன் உபரியில் இருந்து பெரும் மாற்றமாகும்.
2027-28 ஆம் ஆண்டுக்குள் வரவு செலவுத் திட்டத்தை சமப்படுத்த முடியும் என மாகாண அரசாங்கம் நம்பிக்கை தெரிவித்தது.
அந்த நிதியாண்டில் $200 மில்லியன் உபரி கணிக்கப்படுகிறது.
அடுத்த 10 ஆண்டுகளில் உள்கட்டமைப்புக்காக சுமார் $200 பில்லியனை செலவிட திட்டமிட்டுள்ளதாக அரசாங்கம் கூறுகிறது.
இதில் 2025-26 ஆம் ஆண்டில் $33 பில்லியன் அடங்குகிறது.
அடுத்த பத்தாண்டுகளில், இந்தத் திட்டத்தில் நெடுஞ்சாலை கட்டுமானம், மறுவாழ்வுக்காக $30 பில்லியன்; பொதுப் போக்குவரத்துக்கு $61 பில்லியன்; சுகாதாரப் பராமரிப்பு உள்கட்டமைப்பிற்கு $56 பில்லியன்; பாடசாலைகள் குழந்தை பராமரிப்பு இடங்களை அமைக்க $30 பில்லியன் அறிவிக்கப்படுள்ளது.
இந்த வரவு செலவுத் திட்டத்தில் அறிவிக்கப்பட்ட பல நடவடிக்கைகள் முன்னரே அறிவித்தலாக வெளியிடப்பட்டது குறிப்பிடத்தக்கது.
