கனடிய பிரதமர் விரைவில் வெள்ளை மாளிகைக்கு பயணம் மேற்கொள்ளவுள்ளார்.
திங்கட்கிழமை (28) நடைபெற்ற கனடிய பொதுத் தேர்தலில் Liberal கட்சி மீண்டும் வெற்றி பெற்றது.
இதன் மூலம் Mark Carney மீண்டும் பிரதமராகிறார்.
இந்த நிலையில் Mark Carney எதிர்வரும் வாரத்தில் அமெரிக்காவுக்கு பயணம் மேற்கொள்வார் என அமெரிக்க ஜனாதிபதி Donald Trump புதன்கிழமை (30) தெரிவித்தார்.
தேர்தல் வெற்றியை தொடர்ந்து கனடிய பிரதமருக்கு அமெரிக்க ஜனாதிபதி வாழ்த்துத் தெரிவித்தார்.
இரு தலைவர்களும் இடையிலான தொலைபேசி உரையாடலின் போது, இருவரும் நேரில் சந்திக்க ஒப்புக் கொண்டனர் என கனடிய பிரதம அலுவலகம் ஒரு அறிக்கையில் தெரிவித்தது.
கனடாவும் அமெரிக்காவும் சுதந்திரமான, இறையாண்மை கொண்ட நாடுகளாக தங்கள் மேம்பாட்டிற்காக ஒன்றிணைந்து செயல்படுவதன் முக்கியத்துவத்தை இரு தலைவர்களும் ஒப்புக்கொண்டனர் எனவும் அந்த அறிக்கையில் கூறப்பட்டுள்ளது.
கனடா-அமெரிக்க உறவு, பல மாதங்களாக இறுக்கமடைந்துள்ளது.
இந்தப் பின்னணியில் இந்தச் சந்திப்பு முக்கியத்துவம் பெறுகிறது.
