நடைபெற்று முடிந்த தேர்தலில் இரண்டு தொகுதிகளில் 40-க்கும் குறைவான வாக்குகள் வித்தியாசத்தில் வெற்றி நிர்ணயிக்கப்பட்டது.
செவ்வாய்க்கிழமை (29) இரவு கிடைக்கப்பட்ட தரவுகளின் அடிப்படையில், குறைந்தது ஒன்பது வேட்பாளர்கள் 500-க்கும் குறைவான வாக்குகள் வித்தியாசத்தில் தங்கள் தொகுதிகளில் வெற்றி பெற்றுள்ளனர்.
திங்கட்கிழமை (28) நடைபெற்ற பொதுத் தேர்தலில் Liberal 169, Conservative 144, Bloc Québécois 22, NDP 7, பசுமை 1 என ஆசனங்களை வெற்றி பெற்றுள்ளன.
Newfoundland மாகாணத்தின் Terra Nova-The Peninsulas தொகுதியில் Liberal வேட்பாளர் Anthony Germain தனது போட்டியாளர் Jonathan Rowe-வை 12 வாக்குகளால் வெற்றி பெற்றார்.
Quebec மாகாணத்தின் Terrebonne தொகுதியில் Liberal வேட்பாளர் Tatiana Auguste தனது போட்டியாளர் Nathalie Sinclair-Desgagné-வை 35 வாக்குகளால் வெற்றி பெற்றார்.
Nunavut தொகுதியில் NDP வேட்பாளர் Lori Idlout தனது போட்டியாளர் Kilikvak Kabloon-வை 77 வாக்குகளால் வெற்றி பெற்றார்.
தவிரவும் Ontario மாகாணத்தின் Windsor-Tecumseh-Lakeshore, Milton East-Halton Hills South, Brampton Centre, Kitchener Centre, British Colombia மாகாணத்தின் Vancouver Kingsway, Newfoundland மாகாணத்தின் Miramichi-Grand Lake தொகுதிகளில் வேட்பாளர்கள் 400-க்கும் குறைவான வாக்குகள் வித்தியாசத்தில் தங்கள் தொகுதிகளில் வெற்றி பெற்றுள்ளனர்.
இறுதி வாக்குகள் தொடர்ந்து எண்ணப்படுவதால் முடிவுகள் மாறக்கூடும் என்பதும் இவற்றில் சில தொகுதிகளில் நீதிமன்ற மறுவாக்கு எண்ணிக்கை நிகழலாம் என்பதும் இங்கு குறிப்பிடத்தக்கது.
