கனடாவை இலக்கு வைத்து விதிக்கப்படும் அமெரிக்க அரசின் வரிகளை அமெரிக்க மேல் சபை உறுப்பினர்கள் எதிர்க்கின்றனர்.
கனடிய தயாரிப்புகள் மீதான Donald Trump-பின் வரி கட்டணங்களை நீக்குவதற்கான தீர்மானத்திற்கு ஆதரவாக அமெரிக்க மேல் சபை உறுப்பினர்கள் குழு புதன்கிழமை (02) மாலை வாக்களித்தது.
இந்த இரு கட்சி குழுவை Hillary Clinton-னின் முன்னாள் துணை ஜனாதிபதி வேட்பாளரும் மேல் சபை உறுப்பினருமான Tim Kaine தலைமை தாங்குகிறார்.
இந்த சட்டமூலத்திற்கு குடியரசுக் கட்சி உறுப்பினரும் மேல் சபை உறுப்பினருமான Rand Paul இணை அனுசரணை வழங்குகிறார்.
அமெரிக்காவில் fentanyl குறித்த சவால் இருப்பதை யாரும் மறுக்க வில்லை என கூறிய Tim Kaine, அதற்கு பதில் கனடிய இறக்குமதி மீதான வரி கட்டணங்கள் அல்ல என தெரிவித்தார்.
அமெரிக்கா எதிர்கொள்ளும் fentanyl சவால் முதன்மையாக கனடாவின் சவால் அல்ல எனவும் அவர் தெரிவித்தார்.
கனடா மீதான வரி விதிப்புகள் அரசியலமைப்பிற்கு விரோதமானது என கூறிய Rand Paul, பேராண்மை கழகத்தின் ஒப்புதல் இல்லாமல் இந்த சட்டத்தை இயற்றும் அதிகாரம் ஜனாதிபதிக்கு இல்லை எனவும் தெரிவித்தார்.
