Alberta மாகாணத்தின் இறையாண்மை குறித்து Quebec மாகாண முதல்வருடன் உரையாட முதல்வர் Danielle Smith விருப்பம் தெரிவித்தார்.
சுயாட்சி குறித்த அண்மைய Quebec குழு அறிக்கையில் முன்மொழியப்பட்ட சில யோசனைகளை Alberta முதல்வர் ஆதரிக்கிறார்.
இந்த நிலையில் Alberta முதல்வர் Danielle Smith, Quebec முதல்வர் François Legault-டுடன் தங்கள் மாகாண இறையாண்மையை உறுதிப்படுத்துவது குறித்து பேச விருப்பம் தெரிவித்தார்.
இந்த விடயம் குறித்து கடந்த மாதம் Quebec முதல்வருக்கு Alberta முதல்வர் கடிதம் ஒன்றை அனுப்பியுள்ளார்.
“ஜனநாயக ரீதியாக தேர்ந்தெடுக்கப்பட்ட தலைவர்களாக, கனடிய கூட்டாட்சியில் ஒரு புதிய சகாப்தத்தை நோக்கிய பாதையை வகுக்க எங்களுக்கு முன்னால் ஒரு வாய்ப்பு உள்ளது” என March 21 எழுதிய கடிதத்தில் Danielle Smith குறிப்பிட்டார்.
இந்த விடயத்தில் ஒரு உரையாடலுக்கு அவர் அழைப்பு விடுத்தார்.
மாகாணம் அதன் மாகாண அதிகாரத்தை உறுதிப்படுத்துவதற்கான வழிகளை பரிந்துரைக்கும் கடந்த ஆண்டு Quebec அரசாங்கத்திற்காக தயாரிக்கப்பட்ட ஒரு அறிக்கையில் உள்ள பரிந்துரைகளை Danielle Smith தனது எண்ணத்தின் அடிப்படையாக மேற்கோள் காட்டினார்.
