திடீர் வெள்ளத்தின் போது அடித்துச் செல்லப்பட்ட காணாமல் போன இரண்டாவது குழந்தையின் உடல் மீட்கப்பட்டுள்ளதாக Nova Scotia மாகாண RCMP செவ்வாய்கிழமை (25) தெரிவித்துள்ளது.
இந்த குழந்தையின் உடல் Brooklyn புறநகர் சமூகத்தில் கண்டெடுக்கப்பட்டது.
சனிக்கிழமை (22) காணாமல் போன இரண்டு குழந்தைகளில் இரண்டாவது குழந்தை இது என அடையாளம் காணப்பட்டுள்ளது.
முன்னர் பொதுமக்களால் கண்டுபிடிக்கப்பட்ட மனித எச்சங்கள் காணாமல் போன மற்றொரு குழந்தையினது என்பதையும் RCMP உறுதிப்படுத்தியது.
இரண்டு குழந்தைகள், ஒரு இளைஞர், ஒரு பெரியவர் என நான்கு பேர் சனிக்கிழமை முதல் காணமல் போனதாக தெரிவிக்கப்படுகிறது.
காணாமல் போன 52 வயதானவரின் உடல் திங்களன்று புலனாய்வாளர்களால் மீட்கப்பட்டது.
காணாமல் போன இளைஞர் இன்னும் கண்டுபிடிக்கப்படவில்லை.
