மத்திய அரசின் சுகாதார பாதுகாப்பு நிதி உதவி குறித்து விவாதிக்கும் சந்திப்பை முதல்வர்கள் தாமதப்படுத்துகின்றனர்.
செவ்வாய்கிழமை (07) மாகாண, பிராந்திய முதல்வர்களை சந்தித்த பிரதமர் Justin Trudeau, $196 பில்லியன் சுகாதார பராமரிப்பு நிதியுதவி திட்டத்தை முன்வைத்தார்.
பிரதமரின் இந்த திட்டத்தை முதல்வர்கள் இன்னும் ஏற்கவில்லை.
மாகாணங்களுக்கு $46.2 பில்லியன் புதிய நிதி உதவியை வழங்கும் Ottawaவின் இந்த திட்டம் குறித்து விவாதிக்க முதல்வர்கள் எதிர்வரும் திங்கட்கிழமை (13) சந்திக்கவுள்ளனர்.
இந்த சந்திப்பு முதலில் வெள்ளிக்கிழமை (10) நடைபெற ஏற்பாடாகியிருந்தது.
இந்த இருதரப்பு ஒப்பந்தம் குறித்து மத்திய சுகாதார அமைச்சர் Jean-Yves Duclos வியாழக்கிழமை (09) முதல்வர் Doug Ford, Ontario சுகாதார அமைச்சர் Sylvia Jones ஆகியோரை சந்தித்தார்.
இந்த சந்திப்பு பயனுள்ளதாக இருந்தது என Ford கூறினார்.
