மத்திய அரசின் புதிய நிதி உதவி குறித்து முதல்வர்களிடையே மாறுபட்ட கருத்து

மாகாணங்களுக்கும், பிராந்தியங்களுக்கும் மத்திய அரசாங்கம் அறிவித்துள்ள $46.2 பில்லியன் புதிய நிதி உதவி ஒரு ஆரம்ப புள்ளி என Ontario முதல்வர் தெரிவித்தார்.

பிரதமர் Justin Trudeauவுடன் செவ்வாய்க்கிழமை (07) நடைபெற்ற முதல்வர்களின் சந்திப்பின் பின்னர் நடைபெற்ற செய்தியாளர் சந்திப்பில் முதல்வர் Doug Ford இந்த கருத்தை கூறினார்.

புதிதாக அறிவிக்கப்பட்ட $46.2 பில்லியனில் Ontario $8.4 பில்லியனை பெறும்.

கனடா Health Transfer அவசர உதவியின் ஒரு பகுதியாக Ontario மேலும் $776 மில்லியன் பெறும்
எனவும் முதல்வர் Fordடின் அலுவலகம் கூறியது.

ஆனாலும் Trudeau உறுதியளித்த கூடுதல் நிதியானது மத்திய அரசாங்கத்தின் சுகாதாரப் பாதுகாப்புச் செலவினத்தில் 24 சதவீதத்தை மட்டுமே அதிகரிக்கும் என Quebec முதல்வர் François Legault கூறினார்.