கனடா வழங்கியுள்ள 120 மில்லியன் டொலர் கடனை உக்ரைன் ஜனாதிபதி Volodymyr Zelensky வரவேற்றுள்ளார்.
இந்தக் கடன் இரு நாடுகளுக்கும் இடையிலான சிறப்பு கூட்டாண்மைக்கு மற்றொரு எடுத்துக்காட்டு என அவர் கூறினார்.
Ottawaவில் உள்ள உக்ரேனிய தூதரகம் வெள்ளிக்கிழமை (21) வெளியிட்ட அறிக்கையின் மூலம் ஜனாதிபதியின் இந்த கருத்து வெளியானது.
கனடாவில் இருந்து அதிக ஆதரவைப் பெறுவதில் நம்பிக்கையுடன் உள்ளதாக உக்ரைனின் ஜனாதிபதியின் அறிக்கை குறிக்கிறது
உக்ரைனுக்கு 120 மில்லியன் டொலரை கடனாக வழங்குவதாக கனடா உறுதியளிப்பதாக பிரதமர் Justin Trudeau வெள்ளிக்கிழமை அறிவித்திருந்தார்.
உக்ரைனுக்கும் ரஷ்யாவிற்கும் வெளியே, உலகின் மிகப்பெரிய உக்ரேனிய மக்கள் தொகை கனடாவில் உள்ளது.
சுமார் 1.3 மில்லியன் உக்ரேனியர்கள் 2016 மக்கள் தொகை கணக்கெடுப்பின்படி கனடாவில் அடையாளம் காணப்பட்டுள்ளனர்.
