சீனாவில் கைது செய்யப்பட்டு தடுத்து வைக்கப்பட்டிருந்த இரண்டு கனேடியர்கள் விடுதலை செய்யப்பட்டுள்ளனர்.
கடந்த 1,000 நாட்களுக்கு மேலாக சிறை தண்டனை எதிர்க்கொண்ட Michael Kovrig மற்றும் Michael Spavor ஆகியோர் வெள்ளிக்கிழமை விடுதலை செய்யப்பட்டுள்ளனர்.
தடுத்து வைக்கப்பட்டிருந்த கனேடியர்களை சீனா விடுவித்துள்ளது என்று பிரதமர் Justin Trudeau வெள்ளிக்கிழமை இரவு உறுதிப்படுத்தினார்.
Huawei நிர்வாக அதிகாரி Meng Wanzhouக்கு எதிரான நாடு கடத்தல் உத்தரவை கனடா கைவிட்ட நிலையில் சீனாவில் தடுத்து வைக்கப்பட்டிருந்த இரண்டு கனேடியர்களும் விடுதலை செய்யப்பட்டுள்ளனர்.
சீனாவுக்கான கனடாவின் தூதர் Dominic Bartonனுடன் விடுதலை செய்யப்பட்ட கனடியர்கள் இருவரும் விமானமொன்றில் சீனாவில் இருந்து புறப்பட்டு விட்டதாக வெள்ளிக்கிழமை பின்னிரவு நடைபெற்ற செய்தியாளர் சந்திப்பில் பிரதமர் Trudeau கூறினார்
