இந்த கோடையின் ஆரம்பத்தில் மாகாணத்தின் கட்டுப்பாடுகளை நீக்கியது தவறான அணுகுமுறை என Albertaவின் தலைமை மருத்துவ அதிகாரி ஒப்புக் கொண்டார்.
COVID தொற்றின் பரவல் முடிந்துவிட்டதாக Albertaவில் ஒரு பகுதியினர் நம்புவதற்கு பொறுப்பு ஏற்றுக்கொள்வதாக வைத்தியர் Deena Hinshaw கூறினார்.
COVID தொற்றை மாகாண அரசாங்கம் கையாண்டுவரும் விதம் குறித்த சுகாதாரப் பணியாளர்களின் விரக்தியையும் கோபத்தையும் அவர் ஒப்புக்கொண்டார்.
Albertaவில் தீவிர சிகிச்சை பிரிவில் அனுமதிக்கப்பட்டுள்ளவர்களின் எண்ணிக்கை முன் எப்போதும் இல்லாத நிலையை எட்டியுள்ளதாக நேற்று அறிவிக்கப்பட்ட நிலையில் இந்தக் கருத்தை தலைமை மருத்துவ அதிகாரி தெரிவித்தார்.
செவ்வாய்க்கிழமை Albertaவில் 1,434 புதிய தொற்றுக்கள் பதிவாகியுள்ள நிலையில் மருத்துவமனைகளின் அவசர சிகிக்சை பிரிவில் அனுமதிக்கப்படுபவர்களின் எண்ணிக்கையும் அதிகரித்திருக்கிறது.
