முன்னாள் கனடிய பிரதமர் Justin Trudeau தனது முன்னாள் தலைமை அதிகாரியுடன் இணைந்து புதிய தயாரிப்பு நிறுவனம் ஒன்றை ஆரம்பித்துள்ளார்.
பிரதமரின் முன்னாள் தலைமை அதிகாரியான Katie Telford-டுடன் இணைந்து புதிய திரைப்படத் தயாரிப்பு நிறுவனம் ஒன்றை Justin Trudeau ஆரம்பித்துள்ளார்.
வெள்ளிக்கிழமை (11) வெளியாகியுள்ள இந்த அதிகாரப்பூர்வ அறிவிப்பு சர்வதேச ஊடகங்கள், அரசியல் வட்டாரங்களில் பெரும் கவனத்தை ஈர்த்துள்ளது.
பல வருடங்களாக Justin Trudeau-வின் அரசியல் பயணத்திலும், அவரது பிரதமர் அலுவலகத்திலும் மிக முக்கிய அங்கமாக செயலாற்றிய Katie Telford. தற்போது அரசியல் களத்தை தாண்டி, பொழுதுபோக்கு, கலைத்துறையிலும் இந்த கூட்டணி இணைந்துள்ளது.
இந்த புதிய தயாரிப்பு நிறுவனம் ஆவணப்படங்கள், திரைப்படங்கள் அல்லது அரசியல், சமூக விழிப்புணர்வு சார்ந்த கதை களங்களை மையமாகக் கொண்டு இயங்கக் கூடும் என எதிர்பார்க்கப்படுகிறது.
