தொடரும் ஊழியர் வேலை நிறுத்தத்தின் மத்தியில் மேலாளர்கள் சிலரை பணி நீக்கம் செய்ய கனடா Post நிர்வாகம் முடிவு செய்துள்ளது.
மறுசீரமைப்புக்கு மத்தியில் இந்த பணி நீக்கம் நடைமுறைக்கு வருவதாக கனடா Post நிர்வாகம் அறிவித்துள்ளது.
கனடா Post தலைவரும் தலைமை நிர்வாக அதிகாரியுமான Doug Ettinger ஊழியர்களுக்கான குறிப்பில் இந்த முடிவை அறிவித்தார்.
“(கனடா Post) நிறுவனத்தின் எதிர் காலத் தேவைகளுக்கு ஏற்ப எங்கள் நிர்வாகக் குழுவை சிறப்பாக ஒருங்கிணைப்பதற்கான நிறுவன அளவிலான மறுசீரமைப்பு முயற்சிகளின் தொடர்ச்சியாக இந்த மாற்றங்கள் உள்ளன” என அவர் இந்த குறிப்பில் தெரிவித்தார்.
ஆனால் எத்தனை ஊழியர்கள் பணிநீக்கம் செய்யப்பட்டனர் என்பது குறித்த விவரங்களை கனடா Post வெளியிடவில்லை.
கடந்த மாத இறுதியில் அமைச்சர் Joel Lightbound கனடா Post நிர்வத்தில் மாற்றங்களை அறிவித்தார் என்பது குறிப்பிடத்தக்கது .
