August 1-ஆம் திகதி முதல் கனடிய இறக்குமதிகள் மீது 35 சதவீத வரிகளை விதிக்க அமெரிக்க ஜனாதிபதி அச்சுறுத்தியுள்ளார்.
August 1 முதல், அமெரிக்காவிற்குள் அனுப்பப்படும் கனடியப் பொருட்களுக்கு 35 சதவீத வரி விதிக்கப்படும் என அமெரிக்க அதிபர் Donald Trump வியாழக்கிழமை (10) அறிவித்தார்.
கனடிய பிரதமருக்கு எழுதிய கடிதத்தில், இந்த தகவல் வெளியிடப்பட்டது.
எந்தவொரு காரணத்திற்காகவும் கனடா அமெரிக்காவுக்கு எதிரான வரிக் கட்டணங்களை உயர்த்த முடிவு செய்தால், அந்த எண்ணிக்கை அமெரிக்கா வசூலிக்கும் 35 சதவீதத்துடன் சேர்க்கப்படும் என தனது கடிதத்தில் Donald Trump குறிப்பிட்டார்.
“நிலையானதாக இல்லாத” வர்த்தக பற்றாக்குறைகள், கனடாவின் பால்துறை உட்பட கனடாவுடன் அமெரிக்காவிற்கு வேறு சில பிரச்சினைகள் இருப்பதாகவும் அமெரிக்க ஜனாதிபதி குறிப்பிட்டார்.
கடந்த மாதம் நடந்த G7 தலைவர்கள் உச்சி மாநாட்டில், இரு நாடுகளும் July 21-ஆம் திகதிக்குள் 30 நாள் வர்த்தக ஒப்பந்த காலக்கெடுவை எட்ட உறுதியளித்தன.
