Ontario மாகாணத்தின் முதலாவது பெண் சபாநாயகர் தெரிவானார்.
புதிய சபை அமர்வுக்கான சபாநாயகராக Donna Skelly தெரிவானார்.
இந்தப் பதவிக்காக Progressive Conservative மாகாணசபை உறுப்பினர் Donna Skelly , புதிய ஜனநாயக கட்சியின் மாகாணசபை உறுப்பினர் Jennifer French ஆகியோர் போட்டியிட்டனர்.
இதில் வெற்றி பெற்றதன் மூலம் மாகாணத்தின் 43-ஆவது சபாநாயகராக Donna Skelly தெரிவானார்.
Donna Skelly, 2018 முதல் Progressive Conservative கட்சிக்காக Hamilton நகரில் Flamborough-Glanbrook தொகுதியை பிரதிநிதித்துவப்படுத்தி வருகிறார்.
February மாதம் நடைபெற்ற மாகாண சபைத் தேர்தலின் பின்னர் முதல் நாள் சபை அமர்வில் சபாநாயகர் திங்கட்கிழமை (14) தேர்ந்தெடுக்கப்பட்டார்.
ஏழு ஆண்டுகள் சபாநாயகராக இருந்த தலைமை தாங்கிய Ted Arnott பதவி விலகிய நிலையில் புதிய சபாநாயகர் தெரிவானார்.
சபாநாயகருக்கான வாக்கெடுப்பு என்பது சபை உறுப்பினர்களின் இரகசிய வாக்கெடுப்பாகும்.
Donna Skelly முன்னர் துணை சபாநாயகராக பதவி வகித்தவர் என்பது குறிப்பிடத்தக்கது.
புதிய சபாநாயகர் தேர்வாகியுள்ள நிலையில் அரசாங்கத்தின் முன்னுரிமைகளை கோடிட்டுக் காட்டும் சிம்மாசன உரை செவ்வாய்க்கிழமை (15) நிகழ உள்ளது.
