எதிர்வரும் பொதுத் தேர்தலில் Québec-Centre தொகுதியில் Conservative கட்சி வேட்பாளர் எவரும் போட்டியிடவில்லை.
தமது கட்சி இந்த தேர்தலில் குறிப்பிட்ட தொகுதியில் ஒரு வேட்பாளரால் பிரதிநிதித்துவப்படுத்தப்படாது என Conservative கட்சி தெரிவித்துள்ளது.
இந்தத் தொகுதியில் Conservative கட்சி வேட்பாளராக Chanie Thériault போட்டியிட இருந்தார்.
இவரது வேட்புமனு முதலில் April 3-ஆம் திகதி Conservative கட்சியினால் அறிவிக்கப்பட்டது.
ஆனாலும் கனடிய தேர்தல் திணைக்களத்தில் அவர் வேட்பாளராக ஏற்றுக்கொள்ளப்படவில்லை.
வேட்பாளர் பதிவின் போது சமர்ப்பிக்கப்பட்ட ஆவணங்களிள் ஏற்பட்ட ஒரு பிரச்சினை காரணமாக இந்த நிலை தோன்றியதாக கட்சி தெரிவித்தது.
Chanie Thériault-டுக்காக சமர்ப்பிக்கப்பட்ட வேட்புமனு, தமது தேர்தல் சட்டத்திற்குள அடங்கவில்லை என தேர்தல் திணைக்களம் உறுதிப்படுத்தியது.
இந்த நிலையில் தலைமை தேர்தல் அதிகாரி புதன்கிழமை (09) வெளியிட்ட உறுதிப்படுத்தப்பட்ட வேட்பாளர்கள் பட்டியலில் அவரது பெயர் இடம்பெறவில்லை.
பொதுத் தேர்தலுக்கான வேட்புமனு தாக்கல் செய்வதற்கான காலக்கெடு கடந்த திங்கள்கிழமை (07) பிற்பகல் 2 மணியுடன் நிறைவடைந்தது.
கடந்த 30 ஆண்டுகளுக்கும் மேலாக Québec-Centre தொகுதியில் Conservative கட்சி வேட்பாளர் எவரும் தேர்ந்தெடுக்கப்படவில்லை.
இந்தத் தொகுதி 2015 முதல் Liberal கட்சியால் பிரதிநிதித்துவ படுத்தப்படுகிறது.
இம்மறை Libéral வேட்பளர Jean-Yves Duclos நான்காவது முறையாக இந்தத் தொகுதியில் மீண்டும் தேர்தலில் போட்டியிடுகிறார்.
