அரசியல்வாதிகள் மீதான வன்முறை பேச்சுக்கள் ஆபத்தானவை என Liberal கட்சி நாடாளுமன்ற உறுப்பினர் Salma Zahid தெரிவித்துள்ளார்.
August மாதம் Scarborough-வில் உள்ள அவரது இல்லத்திற்கு வெளியே நிறுத்தப்பட்டிருந்த வாகனங்கள் தீ வைத்து எரிக்கப்பட்ட கொடூர சம்பவத்தை தொடர்ந்து இந்த எச்சரிக்கையை Salma Zahid விடுத்துள்ளார்.
இது திட்டமிட்டு நடத்தப்பட்ட ஒரு பயங்கரவாத தாக்குதல் என காவல்துறையினர் தற்போது விசாரித்து வருகின்றனர்.
இந்த நிலையில் நாடாளுமன்ற உறுப்பினர்களைக் குறிவைத்து நாளுக்கு நாள் அதிகரித்து வரும் வன்முறையைத் தூண்டும் தீவிரவாத பேச்சுக்கள் பெரும் அச்சுறுத்தலை ஏற்படுத்தியுள்ளதாக Salma Zahid கவலை வெளியிட்டுள்ளார்.
இது கட்சி பாகுபாடின்றி அனைத்து மக்கள் பிரதிநிதிகளின் பாதுகாப்பிற்கும் மிகப்பெரிய அச்சுறுத்தலை ஏற்படுத்தியுள்ளதாக Salma Zahid கூறினார்.
தனது இல்லத்திற்கு தற்போது 24 மணி நேர துப்பாக்கி ஏந்திய காவல்துறையினர் பாதுகாப்பு வழங்கப்பட்டுள்ளதாக அவர் அதிகாரப்பூர்வமாக தகவல் பகிர்ந்துள்ளார்.
கடந்த சில தினங்களில் கனடிய பிரதமரை படுகொலை செய்யப் போவதாக சமூக வலைத்தளங்களில் மிரட்டல் விடுத்த நபர்கள் அடுத்தடுத்து கைது செய்யப்பட்டுள்ள நிலையில் இந்த தகவல் வெளியானது.
தன் சொந்தக் கட்சித் தலைவர்களுக்கு மட்டுமின்றி, மாற்று அரசியல் கொள்கைகளைக் கொண்ட பிற எதிர்க்கட்சித் தலைவர்கள் பாதுகாப்பிற்காகவும் Salma Zahid குரல் எழுப்பியுள்ளார்.
இஸ்ரேல் – பாலஸ்தீன விவகாரத்தில் புதிய ஜனநாயகக் கட்சியின் (NDP) தலைவர் Avi Lewis கொண்டுள்ள தனிப்பட்ட கொள்கை ரீதியான பார்வைகளுக்காக, அவருக்கு எதிராக தீவிர நடவடிக்கை எடுக்க வேண்டும் என தூண்டும் விதமாக அண்மையில் ஒரு முன்னணி நாளிதழில் வெளியான கட்டுரை குறித்து Salma Zahid தனது கடுமையான கண்டனங்களை பதிவு செய்துள்ளார்.
மக்கள் பிரதிநிதிகளுக்கு எதிராக பொதுவெளியிலும் சமூக வலைத்தளங்களிலும் வன்முறையைத் தூண்டும் பெச்சுக்களை கனடியர்கள் அனைவரும் கட்சி பாகுபாடின்றி ஒன்றிணைந்து நிராகரிக்க வேண்டும் எனவும் அவர் வலியுறுத்தினார்.
