கடமையின் போது உயிர்நீத்த காவல்துறை அதிகாரிகள் கனடிய நாடாளுமன்ற முன்றலில் நினைவு கூறப்பட்டனர்.
பணி நேரத்தில் பலியான காவல்துறை அதிகாரிகளின் நினைவாக Ottawa நாடாளுமன்ற முன்றலில் தேசிய நினைவு அஞ்சலி நிகழ்வு நடைபெற்றது.
ஞாயிற்றுக்கிழமை (27) மாலை நடைபெற்ற இந்த மாபெரும் நினைவு அஞ்சலிக் கூட்டத்தில் நாடளாவிய ரீதியில் நூற்றுக்கணக்கான காவல்துறை அதிகாரிகள், முக்கிய அரசியல் தலைவர்கள், பொதுமக்கள் நேரில் கலந்து கொண்டு அஞ்சலி செலுத்தினர்.
இந்த ஆண்டு கடமையின் போது கொல்லப்பட்ட காவல்துறையினருக்கு மதிப்பளிக்கும் விதமாக இந்த ஒன்றுகூடல் அமைந்தது.
நாடாளுமன்ற வளாகத்தில் அணிவகுத்து நின்ற அதிகாரிகள் தங்களின் சக தோழர்களுக்கு இறுதி மரியாதை செலுத்தினர்.
இந்த நினைவு அஞ்சலியில், மத்திய அரசின் சார்பில் பொதுமக்கள் பாதுகாப்பு துறை அமைச்சர் ஹரி ஆனந்தசங்கரி முதன்மையாகப் பங்கேற்றார்.
இந்த அஞ்சலி கூட்டத்தில் 2026-ஆம் ஆண்டில் தங்களது கடமையைச் செய்யும்போது பலியான ஆறு காவல்துறை அதிகாரிகள் கௌரவிக்கப்பட்டனர்.
