கனடாவின் வீட்டு சந்தை நீண்ட மந்த நிலைக்கு பின்னர், தற்போது படிப்படியாக மீட்சிப் பாதையை நோக்கி நகர ஆரம்பித்துள்ளதாக தெரிவிக்கப்படுகிறது.
RBC Economics தனது புதிய ஆய்வறிக்கையில் இந்தத் தகவலை தெரிவித்துள்ளது.
கடந்த April மாதம் முதல் வீடுகளின் மறுவிற்பனை தொடர்ந்து அதிகரித்து வருவதாக அந்த அறிக்கை தெரிவிக்கிறது.
வீடுகளின் இருப்பு சம நிலையை எட்டியுள்ளதோடு, விலைகளும் நிலையான நிலைக்கு திரும்பும் அறிகுறிகள் தென்படுகின்றன எனவும் அந்த அறிக்கை குறிப்பிடுகிறது.
இந்த ஆண்டில் ஒட்டுமொத்த வீடுகள் மறுவிற்பனை 3.6 சதவீதம் சரிந்து, சராசரி விலை குறியீடு 2.3 சதவீதமாக சரிந்தது என கணிக்கப்பட்டுள்ளது.
அடுத்த ஆண்டில் வீட்டு சந்தை மீட்சி தெளிவாகத் தெரியும் என RBC கூறுகிறது.
அடுத்த ஆண்டில் வீடு விற்பனை 6.7 சதவீதம் உயர்ந்து, வீடுகளின் மதிப்பு 0.8% உயரும் என எதிர்பார்க்கப்படுகிறது.
