அமெரிக்க மதுபானங்களை மீண்டும் விற்பனை செய்ய கனடாவின் அனைத்து மாகாணங்களும் இணங்கியுள்ளதாக தெரியவருகிறது.
இந்த இணக்கத்திற்கு அனைத்து மாகாண முதல்வர்களும் ஒப்புக் கொண்டுள்ளதாக Newfoundland and Labrador மாகாண முதல்வர் Tony Wakeham தெரிவித்துள்ளார்
அமெரிக்காவுடனான தற்காலிக வர்த்தக ஒப்பந்தத்தின் ஒரு பகுதியாக, அமெரிக்க மதுபானங்களை மீண்டும் விற்பனை செய்ய மாகாண முதல்வர்கள் ஒப்புக் கொண்டுள்ளதாக Tony Wakeham கூறினார்.
அமெரிக்க மதுபானங்கள் மீதான தடையை நீக்குமாறு மாகாண முதல்வர்களை பிரதமர் Mark Carney புதன்கிழமை (19) கேட்டுக் கொண்டார்.
அமெரிக்காவுடன் ஓர் ஒப்பந்தம் எட்டப்படும் என பிரதமர் உறுதியாக நம்புவதாக Tony Wakeham கூறினார்.
ஆனாலும் பல மாகாண முதல்வர்கள் இந்த விடயம் குறித்து பகிரங்கமாகக் கருத்து தெரிவிக்கவில்லை.
இந்த நிலையில், அமெரிக்க மதுபானங்களை மீண்டும் விற்பனைக்கு வந்தாலும், கனடியர்கள் அவற்றை கொள்வனவு செய்ய வேண்டாம் என Manitoba மாகாண முதல்வர் Wab Kinew வலியுறுத்தினார்.
கனடியர்கள் உள்நாட்டுத் தயாரிப்புகளையே தொடர்ந்து கொள்வனவு செய்யுமாறும் அவர் வலியுறுத்தினார்.
அதேவேளை அமெரிக்காவுடன் ஒரு தற்காலிக வர்த்தக ஒப்பந்தம் ஏற்றப்படுவது குறித்து தனக்கு ‘சந்தேகம்’ இருப்பதாகவும் அவர் கூறியுள்ளார்.
கனடியப் பொருட்கள் மீது இறக்குமதி வரிகளை விதிப்பதற்கு முன்னதாக, ஒரு ஒப்பந்தத்தை எட்டுவதற்கு கனடாவுக்கும் அமெரிக்காவுக்கும் சனிக்கிழமை (22) வரை கால அவகாசம் உள்ளது இங்கு குறிப்பிடத்தக்கது.
