Ontario, Quebec மாகாணங்களுக்கு இந்த பருவத்தின் முதல் பனிப்பொழிவு எச்சரிக்கை விடுக்கப்பட்டுள்ளது.
கனடிய சுற்றுச்சூழல் திணைக்களம் இந்த எச்சரிக்கையை வெளியிட்டுள்ளது.
இந்த பருவத்தின் முதல் பனிப்பொழிவு Ontario, Quebec மாகாணங்களில் இந்த வார இறுதி முதல் ஆரம்பிக்கும் என சுற்றுச்சூழல் திணைக்களத்தின் சிறப்பு வானிலை அறிக்கை குறிப்பிடுகிறது.
Quebec மாகாணத்தில் Montreal நகருக்கு வடக்கே உள்ள சில பகுதிகளில், 25 cm வரை பனிப்பொழிவு எதிர்பார்க்கப்படுகிறது.
அங்கு ஞாயிற்றுக்கிழமை (09) பிற்பகல் ஆரம்பித்து திங்கட்கிழமை (10) காலை வரை பனிப்பொழிவு தொடரும் என எதிர்பார்க்கப்படுகிறது.
கிழக்கு Ontario-வின் சில பகுதிகளில், 15 cm வரை பனிப்பொழிவு எதிர்பார்க்கப்படுகிறது.
இதில் Kingston, Cornwall , Ottawa போன்ற நகரங்களும் அடங்குகின்றன.
Stratford, London ,Welland போன்ற பகுதிகளில் 10 cm வரை பனிப்பொழிவு எதிர்வு கூறப்படுகிறது.
Ontario-வின் பல பகுதிகளில் பனிப்பொழிவு ஞாயிறு காலை ஆரம்பித்து இரவு முழுவதும் தொடரும் என எதிர்பார்க்கப்படுகிறது.
Yukon பிராந்தியம், Manitoba மாகாணத்தின் சில பகுதிகளில் 15 cm வரை பனிப்பொழிவு ஏற்படும் என்ற எச்சரிக்கையும், குளிர்கால புயல் எச்சரிக்கையும் விடுக்கப்பட்டுள்ளது.
British Columbia , Alberta மாகாணங்களில் சுற்றுச்சூழல் திணைக்களம் பல பகுதிகளில் சிறப்பு வானிலை எச்சரிக்கைகளை வெளியிட்டுள்ளது.
