கனடாவுடனான வர்த்தக பேச்சுவார்த்தைகளை Donald Trump திடீரென முடிவுக்குக் கொண்டு வரும் வரை, பேச்சுவார்த்தைகள் “முன்னேற்றம் அடைந்து கொண்டிருந்தன” என கனடிய பிரதமர் கூறினார்.
முன்னாள் அமெரிக்க ஜனாதிபதி Ronald Reagan குரலைக் கொண்ட Ontario அரசாங்கத்தின் புதிய விளம்பரம் வெளியானதைத் தொடர்ந்து கனடாவுடனான வர்த்தக பேச்சுவார்த்தைகளை முடித்துக் கொள்ளும் முடிவை Donald Trump எடுத்திருந்தார்.
அதுவரை பேச்சுவார்த்தைகள் “முன்னேற்றம் அடைந்து கொண்டிருந்தன” என பிரதமர் Mark Carney திங்கட்கிழமை (27) கூறினார்.
இடைநிறுத்தப்படும் வரை “மிகவும் குறிப்பிட்ட, மிகவும் விரிவான விவாதங்கள் தொடர்ச்சியாக நடைபெற்றன” என தெரிவித்தார்.
மலேசியாவில் நடைபெறும் ASEAN உச்சி மாநாட்டில் கலந்து கொள்ளும் Mark Carney செய்தியாளர்களிடம் பேசும் போது இதனை கூறினார்.
கடந்த வியாழக்கிழமை (23) பேச்சுவார்த்தை முறிவடைந்ததிலிருந்து Donald Trump -புடன் தான் பேசவில்லை எனவும் பிரதமர் கூறினார்.
