August 1-ஆம் திகதிக்குள் புதிய அமெரிக்க வர்த்தக ஒப்பந்தத்தை கனடா நோக்கமாகக் கொண்டுள்ளது என கனடிய பிரதமர் தெரிவித்தார்.
August 1-ஆம் திகதி முதல் கனடிய இறக்குமதிகள் மீது 35 சதவீத வரிகளை விதிக்க அமெரிக்க ஜனாதிபதி Donald Trump அச்சுறுத்தியுள்ளார்.
கனடிய பிரதமருக்கு Donald Trump வியாழக்கிழமை (10) எழுதிய கடிதத்தில் இந்த அச்சுறுத்தல் வெளியானது.
இந்த நிலையில் கனடா அமெரிக்காவுடன் ஒரு புதிய வர்த்தக ஒப்பந்தத்தை எட்டுவதை நோக்கிச் செயல்படும் என Mark Carney சமூக ஊடகங்களில் வியாழன் இரவு பதிவிட்டார்.
வட அமெரிக்காவில் fentanyl பரவலை தடுக்கும் முயற்சியில் கனடா முக்கிய முன்னேற்றம் அடைந்துள்ளது எனவும் பிரதமர் தெரிவித்தார்.
கடந்த மாதம் Alberta-வில் நடந்த G7 மாநாட்டில், அமெரிக்காவுடனான 30 நாள் வர்த்தக ஒப்பந்தக் காலக்கெடுவாக July 21-ஆம் திகதி நிர்ணயம் செய்யப்பட்டது குறிப்பிடத்தக்கது.
