Toronto நகரசபை உறுப்பினர் இடைத்தேர்தலில் போட்டியிடுவதற்கான வேட்பு மனுவை Toronto நகர பாடசாலை வாரிய அறங்காவலர் அனு ஸ்ரீஸ்கந்தராஜா தாக்கல் செய்துள்ளார்.
Scarborough-Rouge Park தொகுதியின் நகரசபை உறுப்பினர் Jennifer McKelvie, கடந்த பொதுத் தேர்தலில் போட்டியிட்டு Ajax தொகுதியில் வெற்றி பெற்ற நிலையில் இந்த தொகுதி வெற்றிடமானது.
இங்கு Toronto நகர சபை உறுப்பினர் இடைத்தேர்தல் அறிவிக்கப்பட்டது.
வேட்புமனுக்கள் ஏற்றுக்கொள்ளப்படும் முதல் நாளான திங்கட்கிழமை (23) அனு ஸ்ரீஸ்கந்தராஜா தனது வேட்புமனுவை தாக்கல் செய்துள்ளார்.
அனு ஸ்ரீஸ்கந்தராஜா Scarborough-Rouge Park தொகுதிக்கான Toronto நகர பாடசாலை வாரிய அறங்காவலராக ஏழு வருடங்களாக பணியாற்றுகின்றார்.
இவரது கணவர் பார்த்தி கந்தவேள் Scarborough Southwest தொகுதியின் நகரசபை உறுப்பினராக உள்ளார்.
இந்த இடைத் தேர்தலில் போட்டியிடும் விருப்பத்தை மேலும் இரண்டு தமிழர்கள் வெளிப்படுத்தியுள்ளனர்.
Toronto நகர பாடசாலை வாரிய அறங்காவலரான நீதன் சான், வீடு விற்பனை முகவர் சியான் சின்னராஜா ஆகியோர் இந்த இடைத்தேர்தலில் போட்டியிடும் எண்ணத்தை வெளியிட்டுள்ளனர்.
இந்த இடைத் தேர்தலுக்கான வேட்புமனுக்கள் ஏற்றுக்கொள்ளப்படும் முதல் நாளான திங்கள் மொத்தம் ஏழு வேட்புமனுக்கல் தாக்கல் செய்யப்பட்டன.
இந்த இடைத் தேர்தலுக்கான வேட்புமனு August 15-ஆம் திகதி வரை ஏற்றுக் கொள்ளப்படும் .
இடைத் தேர்தல் வாக்களிப்பு September 29-ஆம் திகதியும், முன்கூட்டிய வாக்களிப்பு September 20 , 21-ஆம் திகதிகளிலும் நடைபெறும் .
இந்த இடைத்தேர்தல் $550,000 செலவில் நடைபெறுகிறது என்பது குறிப்பிடத்தக்கது.
