Toronto நோக்கி பயணித்த விமானத்தில் பயணி ஒருவர் விமானத்தின் கதவை திறக்க முயன்றதாக தெரியவருகிறது
இந்த பயணியை விசாரணைக்கு உட்படுத்தியதாக Peel பிராந்திய காவல்துறையினர் தெரிவித்தனர்.
Toronto Pearson சர்வதேச விமான நிலையத்தில் விசாரணைக்கு உட்படுத்தப்பட்ட அவர் கைது செய்யப்படவில்லை எனவும் அவர் மீது குற்றச்சாட்டுக்கள் எதுவும் பதிவாகவில்லை எனவும் காவல்துறையினர் தெரிவித்தனர்.
ஞாயிற்றுக்கிழமை London இங்கிலாந்தில் இருந்து Toronto பயணித்த Air Canada Boeing 787-9 விமானத்தில் இந்த சம்பவம் நிகழ்ந்தது.
பயணி “நடுவானில் விமானத்தின் கதவை திறக்க முயன்றார்” என காவல்துறையினருக்கு அறிவுறுத்தப்பட்டது.
விமானம் உயரத்தில் பறக்கும் போது அவ்வாறு செய்ய முடியாது என காவல்துறையினர் குறிப்பிட்டனர்.
ஞாயிறு பிற்பகல் 3 மணியளவில் விமானம் Pearson விமான நிலையத்தில் பாதுகாப்பாக தரையிறக்கப்பட்டதாக காவல்துறையினர் தெரிவித்தனர்.
