Conservative கட்சியின் புதிய தலைவரை அறிவிக்கும் நிகழ்வு திட்டமிட்டபடி சனிக்கிழமை (10) நடைபெறும் என அறிவிக்கப்பட்டுள்ளது.
Conservative கட்சி தலைமை தேர்தல் ஏற்பாட்டுக் குழுவின் தலைவரான Ian Brodie ஒரு அறிக்கையில் இதனை தெரிவித்தார்.
மகாராணியின் மரணத்தின் பின்னர் மாற்றியமைக்கப்பட்ட திட்டத்துடன் புதிய தலைவர் அறிவிக்கப்படவுள்ளார்
மகாராணியின் மரணம் Conservative கட்சி அடுத்த தலைவரை எப்படி அறிவிக்க திட்டமிட்டுள்ளது என்பதை மறுபரிசீலனை செய்ய தூண்டியது.
ஆனாலும் மகாராணியின் மறைவுக்குப் பின்னர் கனடாவில் பல நாட்கள் துக்கம் அனுசரிக்கப்பட்டாலும் புதிய தலைவரை அறிவிக்கும் நிகழ்வு திட்டமிடப்படி நடைபெறும் என அறிவிக்கப்பட்டுள்ளது.
பல மாதங்கள் நீடித்த புதிய தலைவருக்கான பிரச்சாரத்தின் முடிவுகள் Ottawa Shaw Centrரில் சனிக்கிழமையன்று மாலை 6 மணிக்குப் பின்னர் வெளியிடப்படும் என அறிவிக்கப்பட்டுள்ளது.
Conservative கட்சியின் புதிய தலைவர் பதவிக்கு, நாடாளுமன்ற உறுப்பினர்கள் Scott Aitchison, Pierre Poilievre, Leslyn Lewis, முன்னாள் Quebec முதல்வர் Jean Charest முன்னாள் Ontario மாகாண சபை உறுப்பினர் Roman Baber என ஐந்து வேட்பாளர்கள் போட்டியிடுகின்றனர்.
