பொதுத் தேர்தலுக்கான முன்கூட்டிய வாக்குப்பதிவு இந்த வார இறுதியில் நடைபெற உள்ளது.
வெள்ளிக்கிழமை ஆரம்பமாகவுள்ள முன்கூட்டிய வாக்குப்பதிவு நான்கு நாட்களுக்கு நடைபெற ஏற்பாடாகியுள்ளது.
நாளாந்தம் காலை 9 மணிக்கு ஆரம்பமாகும் வாக்குப்பதிவு இரவு 9 மணி வரை தொடரும் என கனேடிய தேர்தல் திணைக்களம் அறிவித்துள்ளது.
அதேவேளை 500க்கும் அதிகமான கனேடிய தேர்தல் திணைக்கள அலுவலகங்களில் எதிர்வரும் செவ்வாய்க்கிழமை மாலை 6 மணி வரை வாக்களிக்கும் ஏற்பாடுகளும் மேற்கொள்ளப்பட்டுள்ளன.
அதேபோல் அஞ்சல் மூலம் வாக்களிப்பவர்கள் செவ்வாய்க்கிழமை மாலை 6 மணி வரை வாக்களிக்க முடியும் என தேர்தல் திணைக்களம் அறிவித்துள்ளது.
