இந்தியாவிலும் பாகிஸ்தானிலும் இருந்து வரும் பயணிகள் விமானங்களுக்கான தடையை June 21 வரை நீடிக்க கனடிய அரசாங்கம் முடிவு செய்துள்ளது.
போக்குவரத்து அமைச்சர் Omar Alghabra இந்த அறிவிப்பை வெளியிட்டார்.
இந்தியாவிலும் பாகிஸ்தானிலும் தொற்றுக்களின் எண்ணிக்கை தொடர்ந்து அதிகரித்து வருவதால் அனைத்து நேரடி வணிக மற்றும் தனியார் விமானங்களுக்கும் மத்திய அரசு தனது தடையை நீட்டித்துள்ளது. இந்த பயணிகள் விமானங்களுக்கான 30 நாள் தடை முதலில் April மாதம் 22ஆம் திகதி விதிக்கப்பட்டது.
அமெரிக்க எல்லை வழியாக அத்தியாவசியமற்ற பயணங்களுக்கான தடையை June மாதம் 21ஆம் திகதி வரை கனடா அரசாங்கம் நீட்டித்தது. அதேபோல் வெளிநாட்டவர்கள் கனடாவுக்குள் நுழைவதும் June மாதம் 21ஆம் திகதி வரை தடை செய்யப்பட்டுள்ளது.
